ᐊᔪᕆᓴᕐᕕᒨᓕᖓᔪᑦ
ᐱᓇᓱᖃᑎᒋᑦᓱᒋᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓ, PS Jeunesse, ᑲᓇᑕᒥ ᐱᓇᓱᕝᕕᒥᒃ ᐱᒋᐅᕐᓴᑎᑦᓯᓂᓕᕆᕕᖓ ᐊᒻᒪᓗ ᐃᓕᒌᓴᖅ (Fédération des Coopératives du Nouveau-Québec), ᐊᔪᕆᓴᕐᕕᒃ ᐱᓇᓱᐊᕐᑕᐅᕗᖅ ᐅᒃᑯᐃᖔᕐᓱᓂ ᓄᓇᕕᒻᒥᐅᓄᑦ ᐃᓄᓐᓄᑦ ᓄᓇᕕᓕᒫᒥ ᐱᔪᓐᓇᓂᕐᑖᐸᓪᓕᐊᓂᕐᒧᑦ ᐱᓇᓱᒐᕐᓂ ᐆᑦᑑᑎᒋᓗᒍ ᐊᓪᓚᕕᒻᒥ ᐱᓇᓱᑦᑎᐅᓂᖅ, ᐊᓪᓚᑎ/ᑭᐅᔨ, ᐊᒻᒪᓗ ᑮᓇᐅᔭᓕᕆᓂᕐᒥ ᐱᓇᓱᑦᑎ.
ᑖᓐᓇ ᐱᓇᓱᐊᕐᑕᐅᔪᖅ ᐃᓘᓐᓈᒍᑦ ᑮᓇᐅᔭᖃᕐᑎᑕᐅᔪᖅ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ
ᐊᔪᕆᓴᕐᕕᒃ ᑕᒐ ᐊᑑᑎᓪᓚᕆᑦᑑᔮᕐᓱᒍ ᐱᓇᓱᕝᕕᑎᑐᑦ ᐱᒋᐅᕐᓴᕕᒃ ᓂᐅᕐᖁᓯᓲᖑᑦᓱᓂ ᐃᓄᐃᑦ ᑕᑯᒥᓇᕐᑐᓕᐊᕕᓂᖏᓐᓂᒃ.
ᐊᑑᑎᓪᓚᕆᑦᑑᔮᕐᑐᑯᑦ ᓂᐅᕕᕐᓃᑦ ᓄᐃᑕᐅᔪᑦ ᓂᐅᕕᐊᑦᓴᖃᕐᓂᑎᓐᓄᑦ ᐊᔪᕆᓴᕐᕕᒥ ᐃᓚᐅᔪᑦ ᐱᒋᐅᕐᓴᕈᓐᓇᓚᕿᖃᑦᑕᑎᓪᓗᒋᑦ ᐱᔪᓐᓇᐅᑎᐅᒋᐊᓕᓐᓄᑦ ᐊᑦᔨᒌᖕᖏᑐᓂᒃ ᖃᓄᐃᓘᕐᑎᐅᓂᕐᓄᑦ ᐊᐅᓚᕈᓐᓇᓯᐊᕐᓂᖓᓄᑦ ᐱᓇᓱᕝᕕᐅᑉ ᐅᓪᓗᑕᒫᑦ ᐊᐅᓚᒍᓯᖏᓐᓂ, ᑕᒻᒪᓂᕐᒥᒃ ᑲᑉᐱᐊᒋᔭᖃᕈᓐᓀᓗᑎᒃ.
ᐊᔪᕆᓴᕐᕕᒃ ᐃᓚᒋᔭᐅᕗᖅ ᑲᓇᑕᒥ ᐱᒋᐅᕐᓴᑎᑦᓯᓂᓕᕆᕕᖓᓄᑦ ᐱᓇᓱᕝᕕᒥ (CPEN) ᐱᒋᐅᕐᓴᓂᕐᒥᓗ ᐱᓇᓱᕝᕕᓂ ᓯᓚᕐᔪᐊᒥ (PENWorldwide) ᐱᓇᓱᕝᕕᑎᒍᑦ ᐊᑑᑎᒍᓐᓇᓇᕐᑎᓯᑦᓱᓂ ᐱᕙᓪᓕᖁᑎᖃᕐᓂᒧᓪᓗ ᐱᑦᔪᔨᒍᑎᓃᓂᑦ ᐱᔪᓂᒃ 7000-ᓄ ᐊᓯᖏᓐᓄᑦ ᐱᒋᐅᕐᓴᕕᐅᒻᒥᔪᒥ ᑎᒥᐅᔪᓂ, ᐃᓚᐅᔪᐃᓪᓗ ᐱᓇᓱᖃᑎᒌᓐᓂᖏᓐᓄᑦ ᓇᑭᑐᐃᓐᓇᖅ ᐱᓯᒪᑦᓱᑎᒃ ᓯᓚᕐᔪᐊᒥ.
ᐱᓇᓱᑦᑎᖏᑦ
ᐃᓴᐱᐊᓪ ᐱᑳᕐ
ᑲᒪᔨᒻᒪᕆ ᐃᓄᐃᑦ ᐱᑦᔪᔭᐅᒍᑎᖏᓐᓂ
ᑲᒪᒋᔭᖃᓲᖅ ᐱᕙᓪᓕᐊᑎᑕᐅᔪᓂᒃ ᐊᒻᒪᓗ ᐃᑉᐱᒋᔨᐅᑦᓱᓂ ᐃᓘᓐᓈᒍᑦ ᐱᑦᔪᔨᒍᑎᓂᒃ ᐊᒻᒪᓗ ᐱᓇᓱᑦᑕᐅᔪᓂᒃ ᐃᓄᓐᓂᒃ ᑲᒪᒋᔭᐅᔪᓂᒃ PS Jeunesse-ᑯᓐᓂ.
ᐊᓖᓯᐊ ᐃᖃᓗᒃ
ᐊᔪᕆᓴᕐᕕᒻᒥ ᐱᒋᐅᕐᓴᐅᑎ ᓇᒻᒥᓂᕆᔭᐅᔪᒧᑦ ᐱᓇᓱᐊᕐᕕᒥ ᑲᒪᔨ
ᐱᒋᐅᕐᓴᐅᑎ ᓇᒻᒥᓂᕆᔭᐅᔪᒧᑦ ᐱᓇᓱᐊᕐᕕᒥ ᑲᒪᔨ ᑲᒪᔭᖃᓲᖅ ᐊᐅᓚᑕᐅᔪᓕᒫᓂᒃ ᐊᒻᒪᓗ ᐃᓚᐅᖃᑕᐅᔪᓂᒃ ᐊᔪᕆᓴᕐᕕᒥ
ᐸᓄᐊ ᐆᒃᓓ, ᐱᓇᓱᑦᑎᓕᕆᓂᕐᒥ ᐃᓕᑕᕆᔭᐅᒍᑎᓕᒃ
ᐱᓇᓱᑦᑎᓕᕆᓂᕐᒥ ᐊᔪᖀᒋᐊᕐᑎ (ᐃᓕᒪᓚᐅᕐᑐᑐᖅ)
ᑲᒪᔨ ᐱᓇᓱᑦᑎᓴᓕᕆᓂᕐᒥ ᐱᓇᓱᐊᕐᑕᐅᔪᓅᓕᖓᔪᓂᒃ, ᐊᒻᒪᑕᐅᖅ ᑲᑎᒪᓂᐊᕈᓯᕐᒥ ᐊᐅᓚᑦᓯᔨᐅᓗᓂ.
ᐱᓇᓱᖃᑎᐅᔪᑦ
FUNDER
ᐱᓇᓱᐊᕐᑕᐅᔪᖅ ᑮᓇᐅᔭᖃᕐᑎᑕᐅᔪᖅ ᑲᑎᕕᒃ ᓄᓇᓕᓕᒫᑦ ᑲᔭᒪᖓᓄᑦ (KRG) ᐱᓇᓱᒐᖃᕐᓂᓕᕆᕕᒻᒥ (SED). KRG-SED ᐃᓄᐃᑦ ᐱᓇᓱᕝᕕᖁᑎᖓ ᐱᔭᑦᓴᖃᕐᓱᓂ ᑐᑭᓯᓐᓇᓯᐊᕐᑐᓂᒃ ᐱᒍᓐᓇᐅᑎᖃᕐᓂᒥᓪᓗ ᐱᒍᑦᔨᒍᑎᖃᕐᓂᓂ ᐱᓇᓱᒐᕐᓅᓕᖓᔪᓄᑦ, ᐱᒋᐅᕐᓴᑎᑦᓯᓂᕐᓄᑦ, ᑮᓇᐅᑦᔭᓴᕐᓂᑯᑦ ᐃᑲᔪᕐᓯᒍᑎᓄᑦ ᐱᐊᕋᓕᕆᓂᕐᒥᓗ ᐱᑦᔪᔨᒍᑎᓄᑦ ᓄᓇᕕᒻᒥᐅᓄᑦ ᐃᓄᐃᑦ ᐃᓅᖃᑎᒌᓐᓂᒥ ᓇᒻᒥᓂᕐᓗ ᐱᕈᕐᐸᓕᐊᓂᕐᒥ ᑐᖕᖓᕕᖃᕐᓱᑎᒃ.
ᑖᑦᓱᒧᖓ ᐱᓇᓱᐊᕐᑕᐅᔪᒧᑦ, ᐱᓇᓱᖃᑎᑖᕐᓯᒪᔪᑦ ᐱᖓᓱᓂᒃ ᐱᓇᓱᕝᕕᓂᒃ:
PROMOTOR
PS Jeunesse; ᐱᓇᓱᕝᕕᖃᕐᓂᓕᕆᔨ NPO ᐱᓇᓱᖃᑎᖃᕐᓱᓂ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ ᐊᓯᖏᓐᓄᑦ ᐊᒥᓱᓄᑦ ᐱᓇᓱᒐᖃᕐᓂᒨᓕᖓᔪᓂ ᓲᕐᓗ ᐃᕕᕐᑎᕕᒃ ᐊᒻᒪᓗ ᐱᔪᓐᓇᖁᖓ. ᐃᓱᒪᒋᑦᓱᒋᑦ ᐱᔪᓐᓇᓂᖃᕐᓂᖏᑦ ᐊᐅᓚᑦᓯᓂᕐᒥ ᐱᓇᓱᐊᕐᑕᐅᔪᓂᒃ ᓄᓇᕕᒻᒥ ᐃᓄᓐᓄᑦ, ᐃᑲᔪᕐᓯᓯᒪᔪᑦ ᖃᓄᐃᓘᕐᑎᐅᓂᕐᒧᑦ ᐱᖁᑎᓕᑦᑎᑐᑦ ᐊᔪᕆᓴᕐᕕᒥᒃ. ᑲᒪᒋᔭᓖᑦ ᐱᓇᓱᑦᑎᓂᒃ ᐊᐅᓚᒍᑎᓂᓪᓗ ᐱᒋᐅᕐᓴᕕᒻᒥ.
PARTNER
ᑲᓇᑕᒥ ᐱᒋᐅᕐᓴᑎᑦᓯᓂᓕᕆᕕᖓᓄᑦ ᐱᓇᓱᕝᕕᒃ (CPEN); ᐃᑲᔪᕐᓯᓯᒪᑦᓱᑎᒃ ᓄᐃᑕᐅᓂᖏᓐᓄᑦ ᐊᒥᓱᑦ ᐱᓇᓱᕝᕕᒥ ᐱᒋᐅᕐᓴᑎᑦᓯᓃᑦ ᑲᓇᑕᒥ, CPEN ᐃᓚᐅᕕᖃᕐᓯᒪᓕᕐᑐᖅ ᐱᕙᓪᓕᐊᔭᐅᓂᖓᓄᑦ ᑐᖕᖓᕕᓕᕐᑐᑕᐅᓂᖓᓄᓪᓗ ᐱᒋᐅᕐᓴᑎᑦᓯᒍᑎᓂ ᐊᔪᕆᓴᕐᕕᒥ ᐱᒋᐅᕐᓴᑎᑦᓯᕕᒻᒥ ᐱᓇᓱᕝᕕᒥ. ᐊᔪᕆᓴᕐᕕᒃ ᐃᓚᒋᔭᐅᓪᓚᕆᑦᑐᖅ CPEN-ᑯᓐᓄᑦ.
MENTOR COMPANY
ᐃᓚᒌᓴᖅ / La Fédération des Coopératives du Nouveau-Québec (FCNQ); ᐱᓇᓱᕝᕕᒥᒃ ᐱᒋᐅᕐᓴᑎᑦᓯᓂᓕᒫᑦ ᑐᖕᖓᕕᖃᓲᖑᒻᒪᑕ ᐱᓇᓱᕝᕕᓚᕆᒻᒥᒃ, ᐃᓚᒌᓴᖅ ᐊᖏᕈᑎᖃᕐᓯᒪᕗᖅ ᐃᑲᔪᕐᑎᐅᓂᕐᒧᑦ ᓂᐅᕕᕐᓃᑦ ᐊᔪᕆᓴᕐᕕᒥ ᐊᑑᑎᓪᓚᕆᑦᑐᑎᑐᑦ ᐊᑑᑎᔭᐅᓛᕐᑎᓗᒋᑦ. ᐃᓚᒌᓴᖅ ᓄᓇᓕᓕᒫᓐᓃᑐᖅ ᓄᓇᕕᒻᒥ ᑲᑐᑦᔨᖃᑎᒌᓐᓂᐅᓱᓂ ᑯᐊᐸᓕᒫᓄᑦ ᐃᓄᓐᓄᑦ ᓇᒻᒥᓂᕆᔭᐅᔪᑦ ᓄᓇᕕᒻᒥ. ᒫᓐᓇᐅᑎᓪᓗᒍ ᐱᓂᐊᕐᓃᑦ ᐊᔪᕆᓴᕐᕕᒥ ᑐᖕᖓᕕᓖᑦ ᓄᓇᕕᒻᒥ ᑕᑯᒥᓇᕐᑐᖁᑎᖏᓐᓂᒃ https://artnunavik.ca/ ᐊᓪᓚᕕᖓ ᐃᓚᒌᓴᒃᑯᓂ, ᓂᐅᕐᖁᓯᕙᓪᓗᓲᖅ ᐃᓄᐃᑦ ᓴᓇᐅᒐᖏᓐᓂᒃ, ᐱᐅᓴᐅᑎᖏᓐᓂᒃ ᑕᑯᒥᓇᕐᑐᓕᐊᕕᓂᖏᓐᓂᓗ.