ᑐᓴᕐᑕᐅᔭᕆᐊᖃᖕᖏᑐᓄᑦ ᒪᓕᒐᖓ

ᑐᑭᓯᑎᑦᓯᒋᐊᖕᖓᐅᑎ

ᑐᓴᕐᑕᐅᔭᕆᐊᖃᖕᖏᑐᓄᑦ ᒪᓕᒐᖓ ᐱᑦᔪᑎᓕᒃ ᐃᓕᓐᓂ ᑐᓴᐅᒪᑎᑦᓯᒍᑎᐅᑦᓱᓂ ᖃᓄᖅ P.S. JEUNESSE INC.-ᑯᑦ ᓄᐊᑦᓯᓲᖑᒻᒪᖔᑦ, ᐊᑐᓲᖑᒻᒪᖔᑦ, ᓴᐳᒻᒥᓲᖑᒻᒪᖔᑦ, ᐊᑑᑎᑎᑦᓯᓲᖑᒻᒪᖔᑦ, ᑐᓂᐅᕐᙯᓲᖑᒻᒪᖔᑦ, ᓇᔪᕐᑎᖃᓲᖑᒻᒪᖔᑦ ᐊᒻᒪᓗ ᐃᒋᑦᓯᓲᖑᒻᒪᖔᑦ ᑭᓇᐅᓂᕐᐱᑦ ᑐᑭᓯᓇᐅᑎᖏᓐᓂᒃ ᐊᑐᓕᑐᐊᕋᕕᑦ ᐱᑦᔪᔨᒍᑎᑦᑎᓂᒃ. ᓲᓱᑦᓴᓯᐊᕐᐳᒍᑦ ᖃᐅᔨᔭᐅᑎᑦᓯᒋᐊᖃᖕᖏᒋᐊᑦᑎᓂᒃ ᑐᑭᓯᓇᐅᑎᑎᓐᓂᒃ ᐊᒻᒪᓗ ᓴᐳᒻᓂᒋᐊᖃᕆᐊᑦᑎᓂᒃ ᑭᓇᐅᓂᕐᐱᑦ ᑐᑭᓯᓇᐅᑎᖏᓐᓂᒃ ᒪᓕᑦᓱᒍᑦ ᐱᖁᔦᑦ ᐊᑐᕐᑕᐅᓲᑦ ᐊᒻᒪᓗ ᒪᓕᒐᖏᑦ.

ᓱᓇ ᑭᓇᐅᓂᕐᐱᑦ ᑐᑭᓯᓇᐅᑎᖓ (PI)?

“ᑭᓇᐅᓂᕐᐱᑦ ᑐᑭᓯᓇᐅᑎᖓ ᓱᓇᑐᐃᓐᓇᐅᒍᓐᓇᑐᖅ ᐃᓄᒻᒨᓕᖓᔪᖅ ᐊᒻᒪᓗ, ᑐᕃᓐᓇᑐᒧᑦ ᖏᑦᑐᒧᓘᓐᓃᑦ, ᓇᓗᓀᕐᓯᒍᑎ ᐃᓄᒻᒥᒃ.” “ᑭᓇᐅᓂᕐᐱᑦ ᑐᑭᓯᓇᐅᑎᖓ ᓇᐅᓕᒫᓄᑦ ᑐᓴᐅᒪᔭᐅᒋᐊᖃᖕᖏᑐᖅ. ᐃᓚᖓᓂ, ᐊᖏᕐᓯᒪᑎᓐᓇᒃ ᑐᓴᐅᒪᔭᐅᑎᑕᐅᒍᓐᓇᑐᖅ.”

ᑭᓇᐅᓂᕐᐱᑦ ᑐᑭᓯᓇᐅᑎᖓ ᓄᐊᑕᐅᓲᖅ

P.S. JEUNESSE INC.-ᑯᓐᓂ, ᑭᓇᐅᓂᕐᐱᑦ ᑐᑭᓯᓇᐅᑎᖏᓐᓂᒃ ᑭᖕᖒᒪᑦᓯᔪᐃᑦ ᑭᓯᐊᓂ ᓄᐊᑦᓯᒍᓐᓇᑐᑦ ᒋᐊᖃᑐᖃᕈᑎᒃ. ᑕᐅᕐᓯᐅᑎᒋᓲᕆᖕᖏᑕᕗᑦ, ᓂᐅᕐᕈᑎᒋᓲᕆᖕᖏᑕᕗᑦ, ᐅᕝᕙᓘᓐᓃᑦ ᑐᓂᓲᕆᖕᖏᑕᕗᑦ ᑭᓇᐅᓂᕐᐱᑦ ᑐᑭᓯᓇᐅᑎᖏᑦ ᓯᓚᑖᓃᑦᑐᓄᑦ. ᐆᑦᑑᑎᒋᓗᒍ, ᑭᓇᐅᓂᕐᐱᑦ ᑐᑭᓯᓇᐅᑎᒐ ᓄᐊᑕᐅᒍᓐᓇᑐᖅ ᐃᒣᑦᑐᓄᑦ:

ᐱᑦᔪᔨᒍᑎᑦᑎᓄᑦ ᓇᓗᓀᑦᑕᐅᒍᑎᑎᓐᓂᒃ ᐊᓪᓚᓕᕈᕕᒃ;
ᐊᓪᓚᖁᑎᑎᓐᓂᒃ ᒪᑐᐃᕐᓯᓕᕈᕕᑦ
ᑐᓴᕋᑦᓴᖁᑎᑦᑎᓂᒃ ᐃᓚᐅᒍᒪᐅᑎᖃᓕᕈᕕᑦ;
ᐱᓂᐊᕐᓂᑎᓐᓄᑦ ᐃᓚᐅᖃᑕᐅᓕᕈᕕᑦ;
ᐱᑦᔪᔭᐅᒍᒪᐅᑎᖃᓕᕈᕕᑦ ᓇᓪᓕᖏᓐᓄᑦ ᐱᓇᓱᖃᑎᑦᑎᓄ
ᐊᑭᓕᐅᑎᖃᓕᕈᕕᑦ;
ᐅᕝᕙᓘᓐᓃᑦ ᑭᐅᔭᐅᓕᕈᕕᑦ ᐊᐱᕐᓲᑎᑎᓐᓄᑦ ᓂᓪᓕᐅᑎᑎᓐᓄᓘᓐᓃᑦ.

ᓄᐊᑦᓯᓲᖑᖕᖏᑐᒍᑦ 14-ᓂᒃ ᐅᑭᐅᓖᑦ ᐊᑖᓄᓪᓗ ᑐᑭᓯᓇᐅᑎᖏᓐᓂᒃ ᐊᖓᔪᕐᖄᖏᓐᓄᑦ ᑲᒪᔨᖏᓐᓄᓘᓐᓃᑦ ᐊᖏᕐᑕᐅᓯᒪᖕᖏᑐᐊᕐᐸᑕ.

ᑭᓇᐅᓂᕐᐱᑦ ᑐᑭᓯᓇᐅᑎᖏᓐᓂᒃ ᒪᑯᓂᖓ ᐃᓚᖃᑐᐃᓐᓇᕆᐊᓖᑦ, ᑭᓯᐊᓂ ᐊᓯᖃᑐᐃᓐᓇᕆᐊᖃᕐᒥᔪᖅ:

ᓇᓗᓀᕐᓯᓂᖅ ᑐᑭᓯᓇᐅᑎᓂᒃ ᐊᑎᕐᓂᒃ ᐊᒻᒪᓗ ᐊᑎᓕᕐᕿᓂᒃ, ᐊᓪᓚᑖᕐᕕᓂᑦ, ᖃᕆᑕᐅᔭᑎᒍᑦ ᐊᓪᓚᑖᕐᕕᓂᑦ, ᐅᖄᓚᐅᑎᓐᓂᑦ, ᐊᓯᖏᓐᓂᓗ;
ᐱᓇᓱᒐᕐᐱᑦ ᑐᑭᓯᓇᐅᑎᖏᓐᓂᒃ, ᐆᑦᑑᑎᒋᓗᒍ ᐃᓕᓐᓂᐊᓯᒪᔭᑎᑦ, ᐱᓇᓱᓕᓂᑎᑦ ᐊᒻᒪᓗ ᖃᐅᔨᒋᐊᕐᕕᑎᑦ, ᐊᓯᖏᓐᓂᓗ;
ᑮᓇᐅᔭᑎᒍᑦ ᑐᑭᓯᓇᐅᑎᑎᑦ ᐆᑦᑑᑎᒋᓗᒍ ᐊᑭᓕᕐᑐᐃᒍᑎᑎᑦ, ᑖᒃᓰᕈᑎᑎᑦ, ᐊᓯᖏᓐᓂᓗ;
ᐊᓯᖏᓪᓗ ᑐᑭᓯᓇᐅᑏᑦ ᐃᒻᒥᓂᒃ ᑐᓂᓯᒪᔭᑎᑦ ᐊᖏᕐᓯᒪᐅᑎᑎᑦ;
ᐅᕝᕙᓗᓐᓃᑦ ᑐᑭᓯᓇᐅᑏᑦ ᐊᑐᕐᓂᓖᑦ ᑭᐅᒍᑎᒧᑦ ᑐᑦᓯᕋᐅᑎᑎᓐᓂᒃ ᐱᑦᔪᔭᐅᓂᕐᒥ ᐊᒻᒪᓗ ᐃᑲᔪᕐᓯᓂᑦᑎᓂ ᖃᓄᐃᓕᒋᐊᕈᑎᖃᕐᓂᒥ.

ᑭᓇᐅᓂᕐᐱᑦ ᑐᑭᓯᓇᐅᑎᖏᑦᑕ ᐊᑐᕐᑕᐅᒍᑎᑦᓴᖏᑦ

ᑭᓇᐅᓂᕐᐱᑦ ᑐᑭᓯᓇᐅᑎᖏᓐᓂᒃ ᐊᑐᑐᐃᓐᓇᕆᐊᖃᕐᑐᒍᑦ ᐅᑯᓄᖓᓕᖓᔪᓄᑦ:

ᓇᓗᓀᕐᓯᒍᑎᒋᓗᒍ ᖃᕆᑕᐅᔭᑎᒍᑦ ᑕᑯᒋᐊᓕᕈᕕᑦ;
ᓇᓗᓀᕐᓯᒍᑎᒋᓗᒍ ᐃᓚᐅᖃᑕᐅᓂᕐᓄᑦ;
ᐃᑲᔪᕐᓯᓯᐊᕈᑎᒋᓗᒍ ᐱᓇᓱᓐᓂᓃᕕᑦ, ᐱᓇᓱᒐᕐᓃᕕᑦ, ᐱᔭᕆᐅᕐᓴᑕᐅᓂᕐᓃᕕᑦ ᑎᓕᔭᐅᒍᑎᓐᓃᕕᓘᓐᓃᑦ;
ᐱᑦᔪᔨᒍᑎᑦᑎᓂ ᐱᔪᓐᓇᑎᐅᑎᖃᕐᑎᑕᐅᒻᒪᖔᑉᐱᑦ ᖃᐅᔨᓴᕈᑎᐅᓗᓂ;
ᐱᓇᓱᖃᑎᒌᓐᓂᑎᓐᓂ ᓱᕐᖁᐃᓯᒍᑎᒋᓗᒍ ᑲᔪᓯᑎᑕᐅᒍᑎᒋᓗᒍᓗ;
ᑲᕙᒪᒃᑯᑦ ᐊᖓᔪᕐᖃᐅᕕᖏᓐᓄᑦ ᑮᓇᐅᔭᖃᕐᑎᓯᔨᕗᓐᓄᓗ ᓵᑕᐅᒍᓐᓇᑑᑎᑕᐅᓂᕐᓄᑦ;
ᑭᓯᑕᐅᒍᑎᓕᐅᕐᓂᒧᑦ ᐃᓚᐅᑎᑕᐅᓗᓂ;
ᑕᒻᒪᑌᓕᒍᑎᐅᓗᓂ ᑎᓪᓕᑌᓕᒍᑎᐅᓗᓂᓗ;
ᐊᒻᒪᓗ ᒪᓕᒐᕐᓂ ᒪᓕᒋᐊᖃᕐᓂᑎᓐᓄᑦ ᒪᓕᑦᓯᐊᕈᑎᐅᓗᓂ.

ᑭᓇᐅᓂᕐᐱᑦ ᑐᑭᓯᓇᐅᑎᖏᓐᓂ ᑐᓂᓯᓂᖅ

P.S. JEUNESSE INC. ᐊᑐᓲᖅ ᑭᓇᐅᓂᕐᐱᑦ ᑐᑭᓯᓇᐅᑎᖏᓐᓂᒃ ᐱᓇᓱᐊᕐᕕᒥᑕ ᐃᓗᐊᓂ ᑭᓯᐊᓂ. ᑌᒣᒐᓗᐊᕐᑎᓗᒍ, ᑭᓇᐅᓂᕐᐱᑦ ᑐᑭᓯᓇᐅᑎᖓ ᐅᖃᑐᐃᓐᓇᕆᐊᓕᕗᑦ, ᑐᓂᑐᐃᓐᓇᕆᐊᓕᕗᑦ ᐅᕝᕙᓘᓐᓃᑦ ᐋᑐᐃᓐᓇᕆᐊᓗᕗᑦ ᐅᑯᓄᖓ:

ᐱᓇᓱᑦᑎᕗᑦ ᐊᒻᒪᓗ ᐊᖓᔪᕐᖄᕗᑦ P.S. JEUNESSE INC.-ᑯᓐᓂ ᑐᑭᓯᒋᐊᖃᓕᑐᐊᕐᐸᑕ ᐱᓇᓱᐊᕐᓂᒥᓂ;
ᓯᓚᑖᓂ ᐱᑦᔪᔨᔨᕗᑦ ᐊᒻᒪᓗ ᑮᓇᐅᔭᖃᕐᑎᓯᔨᕗᑦ ᐊᖏᖃᑎᒌᒍᑎᑎᒍᑦ ᓱᕐᑯᐃᑕᐅᒪᔪᑦ;
ᐱᓇᓱᖃᑎᕗᑦ ᐊᒻᒪᓗ ᑎᒥᐅᔪᐃᑦ ᐱᓇᓱᖃᑎᕗᑦ ᐃᓕᓐᓂᒃ ᐱᑦᔪᔨᑦᓯᐊᕈᑎᑦᑎᓂ ᑎᓕᔭᐅᒍᑎᑦᑎᓂ.
ᓱᓇᑐᐃᓐᓇᖅ ᑎᒥᐅᔪᖅ ᑲᑎᑎᑕᐅᓐᓂᐸᑦ, ᑎᒥᐅᔪᒥ ᐃᓂᓪᓚᑎᕆᐊᑦᓯᐊᑕᐅᓐᓂᐸᑦ ᐅᕝᕙᓘᓐᓃᑦ ᐊᓯᑦᔨᑕᐅᓐᓂᐸᑦ ᑎᒥᐅᔪᖁᑎᑦᑕ ᐊᐅᓚᑕᐅᓂᖓ, ᐃᓘᓐᓇᖓ ᐃᓚᖓᓘᓐᓃᑦ;
ᑭᓇᓱᐃᓐᓇᖅ ᑎᒥᐅᔪᓘᓐᓃᑦ ᐊᖏᕐᓯᒪᔦᑦ ᑐᑭᓯᓇᐅᑎᑎᓐᓂᒃ ᖃᐅᔨᑎᓯᒪᔦᑦ;
ᑲᕙᒣᑦ ᐊᖓᔪᕐᖃᐅᑎᖏᑦ ᐊᒻᒪᓗ ᐱᖁᔭᓕᕆᓂᑎᒍᑦ ᑎᒥᖁᑏᑦ ᒪᓕᒐᑎᒍᑦ ᐊᑑᑎᒋᐊᖃᓕᑐᐊᕐᐸᑦ.

ᖃᓄᐃᓕᒋᐊᓲᖑᔪᒍᑦ ᓂᐅᕕᕐᑏᑦ ᐊᒻᒪᓗ ᐱᓇᓱᖃᑏᑦ ᐊᑐᕆᐊᖃᓕᑐᐊᕐᒪᑕ ᑐᑭᓯᓇᐅᑎᓯᓐᓂᒃ ᓇᓗᓀᕐᑕᐅᑐᐊᕐᒪᑦ ᑭᓯᐊᓂ ᐱᑦᔪᑎᖓ.

ᖃᕆᑕᐅᔭᑎᒍᑦ ᑕᑯᔭᕐᑐᕕᒻᒥ ᐊᐅᓚᔨᒍᑏᑦ

ᐊᑐᓲᖑᔪᒍᑦ ᐊᐅᓚᔨᒍᑎᓂᒃ ᐱᐅᓯᑎᑦᓯᒋᐊᕈᒪᑦᓱᑕ ᕿᒥᕐᕈᓂᕐᓃᕕᑦ ᐊᒻᒪᓗ ᑐᑭᓯᒪᒍᒪᑦᓱᑕ ᖃᓄᖅ ᕿᒥᕐᕈᓲᖑᒻᒪᖔᑉᐱᑦ ᖃᕆᑕᐅᔭᑎᒍᑦ ᑕᑯᒋᐊᕐᕕᑎᓐᓂ. ᐊᐅᓚᔨᒍᑏᑦ ᒥᑭᔫᓈᕐᑎᓱᑎᒃ ᐊᓪᓚᑕᐅᒪᔪᑦ ᓴᓂᕐᕙᑕᐅᓲᑦ ᖃᕆᑕᐅᔮᐱᓐᓂ ᑕᑯᒋᐊᓕᑐᐊᕋᕕᑦ ᖃᕆᑕᐅᔭᑎᒍᑦ ᑕᑯᒋᐊᕐᕕᑎᓐᓂ. ᐃᓗᓕᖃᓲᑦ ᐆᑦᑑᑎᒋᓗᒍ ᐅᖃᐅᓯᖅ ᐊᑐᐊᕈᓐᓇᑌᑦ ᐊᒻᒪᓗ ᖃᓄᑐᐃᓐᓇᖅ ᕿᒥᕐᕈᕈᓰᑦ. ᑖᒃᑯᐊ ᓄᐊᑕᐅᒪᔪᑦ ᐊᑐᕐᑕᐅᓲᑦ ᑭᓯᑦᓯᓂᕐᒧᑦ, ᐊᒻᒪᑕᐅᖅ ᓴᓇᒻᒪᖓᓄᑦ ᐃᓚᖏᓐᓄᑦ ᐊᑐᕐᑕᐅᓱᑎᒃ ᐊᒻᒪᓗ ᐃᓱᐊᕐᓰᒋᐊᕈᑎᐅᑦᓱᑎᒃ ᐊᑐᕈᓯᕐᓃᕕᑦ. ᑐᑭᓯᓇᐅᑎ ᓄᐊᑕᐅᒪᔪᖅ ᐊᐅᓚᔨᒍᑎᒧᑦ ᑌᒪᖕᖓᓕᒫᖅ ᐃᕐᐸᑎᑕᐅᒋᐊᖃᓲᖑᖕᖏᑐᖅ ᓇᐅᓕᒫᓄᑦ.

ᐊᑐᖕᖏᑑᑎᒍᓐᓇᑌᑦ ᐅᕝᕙᓘᓐᓃᑦ ᓄᕐᖃᖓᑎᓗᒍ ᐊᐅᓚᔨᒍᑎ ᕿᓂᕈᑎᓐᓃᕕ ᐋᕐᕿᓯᒪᐅᑎᖓ ᐋᕐᕿᓗᒍ.

ᖃᕆᑕᐅᔭᑎᒍᑦ ᐱᑐᒍᑏᑦ ᐊᓯᖏᓐᓄᑦ ᑕᑯᒋᐊᕈᑎᓄᑦ

ᖃᕆᑕᐅᔭᑎᒍᑦ ᑕᑯᒋᐊᕈᑎᕗᑦ ᐃᓚᖓᓂ ᑕᑯᒋᐊᖁᔨᒍᑎᖃᑐᐃᓐᓇᕆᐊᓕᒃ ᖃᕆᑕᐅᔭᑎᒍᑦ ᐱᑐᒍᑎᓂᒃ ᐊᓯᖏᓐᓄᑦ ᑕᑯᒋᐊᕈᑎᓄᑦ. ᑐᑭᓯᓇᐅᑏᑦ ᑕᐅᕐᓯᐅᑎᐅᔪᑦ ᐊᓯᖏᓐᓄᑦ ᐱᑐᑦᓯᒪᖕᖏᑐᑦ ᑐᓴᕐᑕᐅᔭᕆᐊᖃᖕᖏᑐᓄᑦ ᒪᓕᒐᖓᓄᑦ, ᑭᓯᐊᓂ ᓯᓚᑖᓃᑦᑐᓅᓕᖓᒐᓂ, ᐱᑕᖃᑐᐊᕐᐸᑦ. ᐱᑕᖃᖕᖏᑐᐊᕐᐸᑦ, ᑲᔪᖏᕐᓭᕗᒍᑦ ᕿᒥᕐᕈᓯᐊᖁᔨᑦᓱᑕ ᑐᓂᓯᓚᐅᕐᓇᒃ ᑭᓇᐅᓂᕐᐱᑦ ᑐᑭᓯᓇᐅᑎᖏᓐᓂᒃ.

ᖃᖓᑎᒋᑦ ᓇᔪᕐᑎᒋᔭᐅᓂᖓ

ᑭᓇᐅᓂᕐᐱᑦ ᑐᑭᓯᓇᐅᑎᖓ ᓇᔪᕐᑎᒋᔭᐅᓲᖅ ᖃᖓᑎᒋᑦ ᓄᐊᑕᐅᒍᑎᒋᓚᕿᓯᒪᔭᕐᒥᓄᑦ ᑭᓯᐊᓂ, ᐊᑯᓂᒋᐊᓪᓚᒃ ᓇᔪᕐᑎᒋᔭᐅᒋᐊᓪᓚᕆᐊᖃᖕᖏᑐᐊᕈᓂ ᐅᕝᕙᓘᓐᓃᑦ ᐱᖁᔭᑎᒍ ᐱᒍᓐᓇᑎᑕᐅᑐᐊᕈᓂ.

ᖃᓄᐃᓕᖓᓂᖓ ᑕᑯᒍᓐᓇᑌᑦ, ᐋᕐᕿᒋᐊᕈᓐᓇᑌᑦ ᐊᒻᒪᓗ ᐊᑐᕈᓐᓀᑎᒍᓐᓇᑌᑦ

ᑭᓇᐅᓃᑦ ᓱᕐᖁᐃᑕᐅᑉᐸᑦ, ᑐᑦᓯᕋᕈᓐᓇᖁᑎᑦ ᑭᓇᐅᓂᕐᐱᑦ ᑐᑭᓯᓇᐅᑎᖏᓐᓂᒃ, ᐱᖁᔭᖅ ᒪᓕᑦᓱᒍ. ᐊᓪᓚᓯᒪᔪᒥᒃ ᑐᑦᓯᕋᐅᑎᒥᒃ ᑐᓂᓯᓗᑎᑦ.

ᐱᔪᓐᓇᐅᑎᖃᕆᕗᑎᑦ ᑐᕐᓯᕋᕐᓂᒥᒃ ᓄᐊᑕᐅᓯᒪᔪᓂᒃ, ᑕᒐ, ᑐᑦᓯᕋᕈᕕᑦ, ᑐᓂᓯᒍᓐᓇᑐᒍᑦ ᑭᓇᐅᓂᕐᐱᑦ ᑐᑭᓯᓇᐅᑎᖏᑦ ᐋᕐᕿᓯᒪᓗᑎᒃ, ᖃᕆᑕᐅᔭᑎᒍᑦ ᐊᑐᐊᕐᓴᐅᓗᑎᒃ, ᐱᓪᓗᑯᑦᑕᐅᒍᓐᓇᐸᑕ.

ᐊᓯᑦᔩᒍᒪᑐᐊᕈᕕᑦ ᑐᑭᓯᓇᐅᑎᑎᓐᓂᒃ ᐅᕝᕙᓘᓐᓃᑦ ᐱᔪᓐᓇᐅᑎᓂᒃ ᐊᑐᕐᓗᑎᑦ ᑐᓂᔭᐅᒍᒪᒍᕕᑦ, ᐅᕙᑦᑎᓄᑦ ᐅᖃᑦᓴᐅᑎᒋᒍᓐᓇᖁᑎᑦ ᐅᖄᓚᐅᑎᒃᑯᑦ ᐅᕝᕙᓘᓐᓃᑦ ᖃᕆᑕᐅᔭᑎᒍᑦ ᐊᓪᓚᓗᑎᑦ ᐊᓪᓚᖁᑎᑎᑦ ᐅᓪᓗᒥᓂᑕᖕᖑᑎᒋᐊᕈᒪᒍᕕᒃᑭᑦ.

ᐅᖃᖃᑎᒋᔭᐅᒍᑎᑉᐱᑦ ᑐᑭᓯᓇᐅᑎᖏᑦ ᖃᐅᔨᒪᔭᐅᒋᐊᓖᑦ ᑐᓴᕐᑕᐅᔭᕆᐊᖃᖕᖏᑐᓄᑦ ᐱᓇᓱᑦᑎᒧᑦ

ᐊᐱᕐᓲᑎᖃᕈᕕᑦ ᖃᓄᐃᓘᕈᓯᕐᒥᒃ ᐅᕝᕙᓘᓐᓃᑦ ᑭᓇᐅᓂᕐᐱᑦ ᑐᑭᓯᓇᐅᑎᖏᓐᓂᒃ ᐅᓪᓗᒥᓂᑕᖕᖑᑎᑦᓯᒍᒪᒍᕕᑦ ᐅᕝᕙᓘᓐᓃᑦ ᐃᓱᒫᓘᑎᖃᕈᕕᑦ ᑕᒪᑐᒧᖓᓕᖓᔪᓂᒃ, ᐅᖃᖃᑎᒋᒍᓐᓇᑌᑦ ᑐᓴᕐᑕᐅᔭᕆᐊᖃᖕᖏᑐᓄᑦ ᐱᓇᓱᑦᑎ: ᐃᓴᐱᐊ ᐱᕆᔮᓐ, ᑲᒪᔨᒻᒪᕆ
ᐅᖄᓚᐅᑎᖓ: 450-377-9155
ᖃᕆᑕᐅᔭᑎᒍᑦ ᐊᓪᓚᑖᕐᕕᖓ: confidentialite@psjeunesse.org
ᑐᓴᕐᑕᐅᔭᕆᐊᖃᖕᖏᑐᓄᑦ ᐱᓇᓱᑦᑎ ᐃᓕᓐᓂᒃ ᐅᖃᖃᑎᖃᕋᔭᕐᑐᖅ ᐊᓪᓚᕕᒋᓯᒪᓕᕈᕕᐅᒃ ᐅᓪᓗᐃᑦ 30 ᐃᓗᐊᓂ.

ᓄᑕᐅᓯᓕᕐᑕᐅᓂᖓ ᑕᒪᑐᒪ ᒪᓕᒐᕐᒥᒃ
ᐊᓯᑦᔩᑐᐃᓐᓇᒋᐊᖃᕐᑐᒍᑦ ᐃᓗᓕᖏᓐᓂᒃ ᑖᑦᓱᒪ ᑐᓴᕐᑕᐅᔭᕆᐊᖃᖕᖏᑐᓄᑦ ᒪᓕᒐᖓᓂᒃ ᖃᖓᑐᐃᓐᓇᖅ. ᑌᒣᒻᒪᑦ, ᖃᐅᔨᒋᐊᖃᑦᑕᖁᔨᕗᒍᑦ ᑐᓴᐅᒪᒐᓱᐊᕐᓗᑎᑦ ᖃᓄᐃᓘᕈᑎᖃᕐᕐᒪᖔᑕ ᑭᓇᐅᓂᕐᐱᒃ ᑐᑭᓯᓇᐅᑎᖏᓐᓂᒃ. ᑖᓐᓇ ᐊᓪᓚᑕᐅᓯᒪᔪᖅ ᒫᑦᔨ 14, 2025ᒥ. ᐊᑐᓕᕐᑎᑕᐅᑦᓱᓂ P.S. JEUNESSE INC. ᑲᑎᖕᖓᔨᓄᑦ ᒫᑦᔨ 18, 2025ᒥ.